عندما تقول الفتيات\\....ياليتني ولد..!!

هلاا

هالموضوع جاني عالإيميل[ندعوك للتسجيل في المنتدى أو التعريف بنفسك لمعاينة هذه الصورة]

و حبيت أطرحه هنا بالمنتدى

شوفوا كيف إحنا مهضومين الحقوق خخخخخخ

بس ولو لي الفخر إني بنت

~.~.~.~.~.~.~.~.~.~.~.~.~.~.~.~

متى..؟[ندعوك للتسجيل في المنتدى أو التعريف بنفسك لمعاينة هذه الصورة]

لما يكونون معزومين بعزيمة ...والكل مستعد

وتجهز....ويطلعون برا وينادوا السواق

وأخيرا يلقوا السواق مو موجود

وبعد جوله على جوالات الاخوان....

ويأس من ظهور السواق

وبعد جملة مافيه روحة ...

تلاقي صرخة تسبق هالجملة وتعبر عن

الموقف بقوة

(يا ليتني ولد )[ندعوك للتسجيل في المنتدى أو التعريف بنفسك لمعاينة هذه الصورة]

والا بجمعة عائليه ...وتخييم حلو بالربيع

العيال مجتمعين يلعبوا..

وبعضهم معه جمس والا جيب

والباقين يلعبوا بلوت

وضحك وبسطة

والبنات اللي معهم جوالات ويروح رجاها

بالهوا

والثانيه واقفة تترجى اخوها ...بدون فايدة

والثالثة بعد مايأست رجعت لسواليف الحريم

المملة والكيئبه

مع ان طلباتهم كانت دورة بالجيب بين

هالرمال

او
يسمعون شريط بسيارتهم بس ماأحد راضي

يعطيها المفتاح

والنهاية

(يا ليتني ولد )[ندعوك للتسجيل في المنتدى أو التعريف بنفسك لمعاينة هذه الصورة]

وأحيانا تعزم صديقاتها

وتقولهم بكل الفخر

العشا على ...لا ومن وين من الريف

الايطالي ......طلبيه عشان خاطر عيونكم

هم ماعندهم سواق

لأن الاب يقول عندكم 5 اخوان

(حنا مانحتاج سواق البيت كله شباب)

وإذا كانوا هالشباب

واحد مقفل جواله

والثاني بالبر مايوصل له الارسال

والثالث نايم بالملحق ولا في امل يصحى

والرابع بالغرفة ...وقافل على نفسه

الباب ...ويقول لااحد يزعجني

والخامس مع عيال أخواله عندهم دورية

والعشا يتفركش

والاعذار تتسكت بوجبات( بتوصيل منزلي)

من بيتزا هت

واول مايطلعون

تسمع صرخة بالحوش

(يا ليتني ولد )[ندعوك للتسجيل في المنتدى أو التعريف بنفسك لمعاينة هذه الصورة]

كل شيء يهون بس اللي مايهون ايام

الإجازات

قبل العطلة يمكن بشهر

البنات ..

يبه تكفى ..الله يسلمك ...الله يعافيك ...الله

يخليك ....الله لا يحرمنا منك ..الله ....الله... الله... الله

نبي نسافر هاالسنة

لا وانا ابوكم هاالسنة مشغول

عندي انتداب عمل

ويمكن عمل اجباري

هالسنة امكم والده

وين ناخذ بزر بالشهور معنا

وأخوكم مهند

توه يمشي

تبونه يشغلنا اذا سافرنا والا يضيع من بين

ايدينا

تدرون

تبون جدة والا الشرقيه ...يالله اختاروا ...

والا وش رايكم نروح عند اهلكم في الديره

بنفس هالوقت يدخل فيصل <<إحم إحم

يبه عن إذنك ترا اليوم رحلتي مع محمد

وتركي وخالد ولد عمتي

بنسير على مصر ام الدنيا كم يوم ونجي

عاد زي ماقلتلك يمكن نمر شرم الشيخ

هاه يأخواتي ياحلوين تامرون على شيء قبل

ماأروح

إيه

سموووو

تبون

ايش

(يا ليتني ولد )[ندعوك للتسجيل في المنتدى أو التعريف بنفسك لمعاينة هذه الصورة]

ولما تكونين جالسة على اللاب توب

وتو النت شابك

(تم تسجيل دخولك الى شبكة الاتصال )

وتوك فاتحة على المفضلة تبين تشيكين على

الموقع اللي تبي تدخلينه

الا اللي فوق راسك

ومن صار ....نواف ....حبيب

البيت ......وبرا البيت

قفلي النت

ليه؟؟؟؟؟

بس بكيفي ....وثاني مرة لعد تشبكينه

فاهمة !!!!اوكي

وليه معد أشبكه

اولا أصرف ....ثانيا بنت ....ثالثا وشو له

تشبكينه ...وش الفايدة...؟؟؟؟ماله داعي

!!!!
عطيني لاب توبك بفتشه احس فيه شئ......

(يا ليتني ولد )[ندعوك للتسجيل في المنتدى أو التعريف بنفسك لمعاينة هذه الصورة]

طبعا صايرة كلمة للعائلات فقط تستفز شريحة

كبيرة من الشباب هنا

اضف الموضوعات الصحفيه المنتشرة

بخصوص هالموضوع

طبعا هالافته بقدر ماهي مزعجة

بقدر ماتخليك تفكر وتمعن فيها

الكل مع الشباب المعارضين لها

لان المحطات الترفيهية لهم قليلة

لكن ،،،لما يجوا يقارنوها بالبنات .......هنا

نوقف شوي

أغلب المجتمعات النسائيه كئيبة ومملة بشكل

كبيييييييير

والسواليف أغلبها تقتصر على

لبست...اشترت ...انخطبت ...تزوجت....حملت....سافرت

وتلاقي درجة الغليان عند البنات من

هالسواليف توصل 100درجة مئويه

الطلعات برا و مع الصديقات....أغلب العوائل

محدودة

والبقيه مابين حريه مطلقة....الى منع

مطلق ...فالبيت هو المنتزه الموجود المشترك

وش في هالمنتزه ؟؟؟؟؟؟؟؟؟؟؟؟؟؟؟؟

مثلا تلقون

أغلب العبارات التي تنقال على اللي تكلم

ايه تلفون 24 ساعة انتي ماتملين

بالله عليكم وش تقولون كل هالوقت

منهي ذي ؟؟؟؟ هذي تغريد....هماك توك

شايفتها بالجامعة

قفلي التلفون .....ليه؟؟؟؟؟؟؟بس موب لازم

كل ذي الهذرة-

من بتكلمين نهى ...مو لازم بكرة بتشوفينها

بالعزيمة

(( هذا اذا لقت احد يوديها ))

ألحين انتظر تليفون من أختك ببريطانيا _

من اللي شاغل التلفون ...والله اني قايلته

شوفي سوير ان رفعتيه ثاني مرة لا تلومين

الا نفسك..

طيب موب لازم انترنت ولا تلفون لانه امر

مفروغ منه ...

بس أخوي مسموح له .....ابوي دايم يقول ان

اخوي ولد وعادي لو يشبك النت ...ولو قلتله

على الفاتورة ...قال هو يشبك على

خطه ...انا مالي دخل

طيب اروح عند التلفزيون ....لا لا لا

مستحيل التلفزيون انقلب الى أداة لترويج

المنكر ...كله استعراض للبنات ....

وهو خراب لعقولنا يالبنات
...............
وين أجل وين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مافي قدامي غير غرفتي .....تدرون وش

ابسوي فيها

-
-
-
-
-
-
(ااذاكر) !!!!!!عرفتوا ليه البنات اشطر من

الاولاد ...........استوعبتوا السر ؟؟؟؟

طبعا في اشياء ثانيه موجودة

بس هذي اهم الاشياء

وأول ماتفتح الكتاب وتمسك القلم

افففففففففففففففففففف

( يا ليتني ولد )[ندعوك للتسجيل في المنتدى أو التعريف بنفسك لمعاينة هذه الصورة]

نصل هنا للهدف من الموضوع !!

يا فتاااه لو سمح لك يوم واحد تصيري ولد وش

بتسووي فيهاا .,؟؟

ههههههههههههـ
تسلمييين حبيبتي على الموضوعـ

موضوع رووووووووووووووعه